Ɛwa

Wɔatwerɛ nsɛm wei ɛwɔ Asante kasa mu

Ɛwa yɛ mpofirem mframa a ɛfiri baabi a yɛn home no mu fa kɛseɛ firi ba na ɛtumi boa te ɛho nsuo no, ne nneɛma binom a ɛne nipadua no nhyia no, nneɛma afoforɔ binom ne mmoawa a wɔwɔ nsase mu.Wɔ kwan a yɛbɛfa so abɔ ho ban no, ɛwa tumi yɛ ntimu na kwan a wɔfa so si ɛwa ho kwan yɛ mmiɛnsa:woretwe mframa akɔ wo mu, worehyɛ menem no ama mframa afiri mu, ne mframa denden a ɛfiri ahrawa no mu a ɛdi menem no akyi, na nnyegyeɛ di akyire.

Cough
Depiction of cough
Pronunciationⓘ	Latin: tussis
Specialty	Infectious diseases

Sɛ wobɔ ɛwa ntɛntɛm a na ɛkyerɛ sɛ woanya yareɛ bi. Mmoawa ahodoɔ nya mfasodeɛ firi kwan a mframa no fa so ba no, na deɛ ɔte ne so no bɔ ɛwa,na ɛno tumi boa ma yareɛ no sae kɔ nipa foforɔ so.Nipadua no mu nyarewa tumi de ɛwa beberee ba nanso sɛ biribi kɔhyɛ wo menem a wotumi bɔ ɛwa,afei sɛ worenom nnubɔne tumi ma wo bɔ wa, mframa mu sɛeeɛ,ntehyewa,yareɛ a ɛma wo yam nsuo sane ba wo menem, nsuo a ɛfiri wo hwenem sane ba wo menem, ahurututuo, ahrawa mu yareɛ,akoma yareɛ ne nnuro bi te sɛ angiotensin-converting-enzyme inhibitors(ACE inhibitors)ne beta blockers tumi ma wo bɔ ɛwa.

Nsɔano

Ansa na wobɛsɔ ano no, ɛwɔ sɛ wohwɛ deɛ ɛde ba:sɛ ebia,worenom nnubɔne anaa ACE inhibitors.Ɛwa ho nnuro bi te sɛ codein anaa dextromethorphan ɛyɛ pa ara, nanso wɔahwehwɛ mu ahunu sɛ ɛwɔ nsunsuansoɔ kakra.Ɛho ayarehwɛ nkaeɛ no bɛtumi ahwɛ mframa a ɛfiri yɛn mu ba no na ɛbɛtumi nso aboa ayi amaman afiri yɛn ahrawa mu.Sɛdeɛ ɛyɛ adeɛ bi a ɛno ankasa bɔ ne ho ban no, sɛ wosi ɛwa no kwan a ɛtumi nya nsunsuansoɔ bi, ɛnkanka sɛ ɛwa no yɛ deɛ ɛbɛboa a(ɛyi amaman) no.

Patofiseɔlɔgyi

Ɛwa yɛ mpofirem banbɔ bi wɔ nipadua no mu a ɛnam adwenem nneɛma bi so na ɛba.Nhoma ahodoɔ mmienu bi wɔ nipadua no mu a, ɛno na ɛde mpofirem wa no ba, a wɔn ne myelinated rapidly adapting receptors, ne nonmyelinated C-fibers a wɔn ano si ahrawa no.

Ayarehwɛ

Mmɔfra a wɔbɔ wa ho ayarehwɛ no gyina deɛ ɛde ba so.Ɛwa ahodoɔ a ɛsi wɔ mmɔfra mu no,ɛmu fa tumi gyae sɛ ɛduru nna du na ɛnyaa ayarehwɛ biara a, na ɛmu ɔha mu nkyekyɛmu aduokron nso tumi gyae wɔ nna aduonunum mu.Sɛdeɛ American Academy ma Pediatrics ka no, ɛwa ho nnuro a ɛtumi brɛ ɛwa ase no wɔ nyinasoɔ kakra bi, na ɛnyɛ nso sɛ wɔde bɛma mmɔfra a wɔbɔ wa.Yɛwɔ adansedie a ɛkyerɛ sɛ ɛwoɔ yɛ adeɛ a ɛyɛ ma obi a ɔbɔ wa,kyɛn sɛ worenma no ayarehwɛ biara anaa sɛ wode aduro a wɔfrɛ no diphenhydramine bɛbrɛ no ase.Ɛnyi ɛwa no mfiri hɔ sɛdeɛ dextromethorphan yɛ no nanso ɛtumi te mpɛn dodoɔ a wode bɛbɔ ɛwa no so kyɛn placebo ne salbutamol.Yɛbɛtumi de nnuro a ɛkum mmoawa anaa sɛ aduro a yɛtwe kɔ yɛn mu no a wɔfrɛ no corticosteroids ama mmɔfra a ɛwa ayɛ koankorɔ wɔ wɔn so no ne ayarehwɛ a wɔde ko tia ahurututuo mmoawa ne ntehyewa.

Mmoa Binom

Nsuo mu mmoa te sɛ dɔɔfen ne bonsu ntumi mmɔ wa.Mmoa a kasɛe nni wɔn mu bi te sɛ ntutumoa ne ananse ntumi mmɔ wa anaa sɛ nwansi.Mmoa akɛseɛ tumi bɔ wa.Efie mmoa ne nkasɛemoa te sɛ nkraman ne ɔkra tumi bɔ wa,ɛsiane yareɛ, nnompe mu yareɛ, mfuturo anaa biribi tumi hyɛ wɔn menem.Ɔkra deɛ, yɛnim wɔn sɛ wɔbɔ wa ansa mpo na wɔate biribi ato fam.Wɔ efie mmoa binom nso no, apɔnkɔ tumi bɔ wa ɛsiane nyarewa nti,anaa sɛ ahuhuro ne mfuturo wɔ baabi a mframa biara mfa hɔ no.Ɛwa yareɛ a ɛwɔ nkraman mu bɛtumi afiri mmoawa ahodoɔ binom.Ɔwansane tumi bɔ wa te sɛ nnipa ɛsiane nyarewa a ɛtumi wura wɔn mu no nti, ɛbi te sɛ parasitic bronchitis a dictyocaulus mmoawa de ba no.