Barack Obama

Barack Hussein Obama II (wɔwoo no Ɔbɛnem 4, 1961) yɛ Amerikani amammuifo a ɔyɛɛ ɔmampanyin a ɔtɔ so 44 wɔ U.S. firi afe 2009 kɔsi 2017. Sɛ Democratic Party muni no, ɔyɛ Afrikani-Amerikani ɔmampanyin a odi kan wɔ U.S. abakɔsɛm mu. Ansa na ɔbɛyɛ ɔmampanyin no, Obama yɛɛ U.S. mmarahyɛ baguani a ɔgyina Illinois ananmu firi afe 2005 kɔsi 2008 ne Illinois mantam mmarahyɛ baguani firi 1997 kɔsi 2004.

Wɔwoo Obama wɔ Honolulu, Hawaii. Owiee Columbia Sukuupɔn wɔ 1983 na onyaa Bachelor of Arts wɔ amammuisɛm mu. Ɔyɛɛ mpɔtam nhyehyɛefo wɔ Chicago. Wɔ 1988 mu, ɔkɔɔ Harvard Mmara Sukuu na ɔbɛyɛɛ abibifo a odi kan wɔ Harvard Law Review. Ɔyɛɛ ɔmanfo hokwan ho mmaranimfo na ɔkyerɛɛ mmara wɔ Chicago Sukuupɔn Mmara Sukuu mu fi 1992 kosi 2004. Obama som sɛ Illinois Mmarahyɛ Bagua ho mpanyimfo fi 1997 kosi 2004, na ɔkɔɔ U.S. Mmarahyɛ Bagua no mu. Wɔ 2008, Democratic Party no paw no sɛ ɔmampanyin foforo, na ɔpaw Joe Biden sɛ ne yɔnko, wɔde dii John McCain ne Sarah Palin so nkonim.