Felix Owusu-Adjapong

Felix Owusu-Adjapong yɛ Ghanani amanyɔni a wɔwoo no Ɔgyefuo 13, afe apem ahankron aduanan-nan no mu. Ɔdii dwuma sɛ mmarahyɛbadwani maa New patriotic party, Ɔsono Amanyɔkuo no wɔ Akyem Swedru abatoɔ mpasua a ɛwɔ Atɔeɛ mantam no mu wɔ Ghana. Ɔsane dii dwuma sɛ ɔsoafoɔ a ɔhwɛ ahoɔden mu nsɛm so. Bio nso, na ɔyɛ daanodini New patriotic party, Ɔsono Amanyɔkuo no.

N'abrabɔ ne ne sukuukorɔ

Felix Owusu-Adjapong suaa Land Economy wɔ Kwame Nkrumah suapɔn a ɛwɔ Kumase no mu. Ɔsane gyee nteteɛ wɔ Adansie ne adansɛm mu wɔ Bouwcentrum Institute a ɛwɔ Rotterdam, ɛnna ɔsan suaa Urban Land Appraisal wɔ University of Reading a ɛwɔ England no mu. Afei, ɔsane kɔsuaa mmara wɔ Ghana School of Law mu.

N'adwuma sɛ amanyɔni

Owusu-Adjapong somm sɛ mmarahyɛbadwa a ɛtɔ so mmienu, mmiɛnsa ne nan no muni wɔ Ghana Repɔblik a ɛtɔ so nan no mu. Ɔno ne mmarahyɛbadwani a wɔdii kan too aba maa no wɔ Akyem Swedru abatoɔ mpasua no mu wɔ afe apem ahankron ne aduokron-nsia ɔman abatoɔ no mu. Ɔnyaa mma a wɔtoeɛ no nyinaa mu mpem num, ahanwɔtwe ne aduonu-nan a ɛgyina hɔ ma ɔha mu nkyɛmu aduanan-num akyiripɔ aduasa wɔ saa afe abatoɔ no mu. Wɔsane too aba maa no sɛ mmarahyɛbadwani wɔ mfeɛ mpenu ɔman abatoɔ no mu berɛ a ɔnyaa mma mpem dunan, ahansia ne dunan a ɛgyina hɔ ma ɔha mu nkyɛmu aduonum-nsia akyiripɔ aduowɔtwe.

Ɔgyefuo bosome no mu wɔ mfeɛ mpenu ne baako mu no, wɔyii no sɛ ɔsoafoɔ a ɔhwɛ Akwantuo ne Nkitahodie so, ɛnna Oforisuo bosome no mu wɔ mfeɛ mpenu ne mmiɛnsa mu nso, wɔyii no sɛ Ɔsoafoɔ a ɔhwɛ mmarahyɛbadwa ho nsɛm so.

Mfeɛ mpenu ne nan ɔman abatoɔ no mu nso, wɔtoo aba yii no sɛ mmarahyɛbadwani berɛ a ɔnyaa mma no mu mpem aduonu-baako ne aduanan-nwɔtwe a ɛgyina hɔ ma ɔha mu nkyɛmu aduosia-nsia akyiripɔ aduokron-nan wɔ saa abatoɔ no mu. Mfeɛ mpenu ne nson mu hɔ no, ɔde n'adwuma sɛ ɔsoafoɔ no too hɔ kɔperee ɔmampanin dibea wɔ New patriotic party, Ɔsono Amanyɔkuo no mu nanso anyɛ yie. Wantumi annyina sɛ mmarahyɛbadwani wɔ mfeɛ mpenu ne nwɔtwe abatoɔ nu mu bio maa Joseph Ampomah Bosompem gyinaa n'anan mu dii nkunim maa New patriotic party, Ɔsono Amanyɔkuo no berɛ a ɔnyaa abatoɔ no mu mpen nwɔtwe, ahanan aduosia-nkron. Ayɛwohomumɔ bosome no mu wɔ mfeɛ mpenu ne nwɔtwe mu no, wɔyii no sɛ ɔsoafoɔ a ɔhwɛ ahoɔden mu nsɛm so, Ɔdii saa dwuma yi ara kɔsii sɛ kuffour aban no baa awieeɛ wɔ Ɔpɛpɔn bosome no mu wɔ mfeɛ mpenu ne nwɔtwe mu.

Parliament of Ghana
Preceded by Paul Kofi Peprah	Member of Parliament for Akyem Swedru1997 – 2009	Succeeded by Joseph Ampomah Bosompem
Preceded by ?	Majority Leader2005 – 2008	Succeeded by Abraham Ossei Aidooh
Political offices
Preceded by Edward Salia Minister for Roads and Transport	Minister for Transport and Communications2001 – 2003	Succeeded by Richard Winfred Anane Minister for Roads, Highways and Transport
Preceded by Ekwow Spio-Garbrah Minister for Communications		Succeeded by Albert Kan Dapaah Minister for Communications and Technology
Preceded by ?	Minister for Parliamentary Affairs2003 – 2007	Succeeded by Abraham Ossei Aidooh
Preceded by Joseph Kofi Adda	Minister for Energy2008 – 2009	Succeeded by Joe Oteng-Adjei