Nkatie Cake

Wɔakyerɛw nsɛm yi wɔ Akuapem kasa mu

Nhwɛsoɔ:Infobox foodNkatie Cake yɛ Ghana dwokɔmano aduane a wɔfrɛ no Kongodo wɔ Guinea na Louga wɔ Senegal, ɛyɛ mmɔfra ne mpanin aduane. Na mmom sukuufoɔ mmɔfra titire na wɔtaa di esiane asikyire dodoɔ a ɛwɔ mu no nti. Wɔtaa twa nkatie cake no sɛ nsayam anaasɛ kankra su, nanso wobɛtumi atwa no su a wopɛ biara.

Akadeɛ

Nnoɔma a ɛhia wɔ saa nkatiɛ cake yɔ yi ho ne:

• Asikyire konko baako.
• Nkatiɛ a yɛakye apɔ ho. Wopɛ a na woasi kakra.
• Nsuo
• Yamboɔ ana prentoa.

Ne yɔbea

Sɛdeɛ wɔyɛ nkatiɛ cake

• Hwie asikyiresam no gu pantrawa mu fa si gya so bɛyɛ sima num ma ɛnane.
• Saa berɛ no na woapɔ nkatiɛ a woakye deda no ho asi no kakra.
• Asikyire no ahosuo dane kɔkɔbrɔ a hwie nkatiɛ no gu mu.
• Kanum brɛoo na fa nsuo kakra gu mu na amma no ankyene
• Ɛfra wie a tete gu ɔpono so.
• Fa 'roller' ana prentoa trɛtrɛmu ma no nyɛ tratraa.
• Twitwa no sɛdeɛ wopɛ no berɛ a ɛyɛ hye no ara.

NB. Ɛsɛ sɛ ɛmu trɛtrɛ ne ne twitwa no yɛ ntɛm berɛ a ɛyɛ mmrɛ no. Anyɛ saa a ɛbɛkyene ama ne twitwa ayɛ dene.