Ransford Agyapong

Ransford Agyapong yɛ Ghanani amanyɔni ne mmarahyɛbadwani dada ma Suhum abatoɔ mpasua a ɛwɔ Atɔeɛ mantam mu wɔ Ghana. Seesei, ɔne titenani ma New Patriotic Party amanyɔkuo no baasonkuo a wɔhwɛ abatoɔ ho nsɛm so wɔ Suhum abatoɔ mpasua a ɛwɔ Atɔeɛ mantam mu no so.

N'abrabɔ mfitiaseɛ ne n'adesua

Agyapong firi Suhum a ɛwɔ Atɔeɛ mantam mu wɔ Ghana.

Amanyɔsɛm

Agyapong ka mmarahyɛbadwa a ɛtɔ so mmiɛnsa no ho wɔ Repɔblik a ɛtɔ so nan no mu wɔ Ghana. N'adwuma sɛ amanyɔni no hyɛɛ aseɛ wɔ afe apem, ahankron aduokron-nan no mu berɛ a ɔgyinaa New Patriotic Party amanyɔkuo no anan mu sɛ mmarahyɛbadwani maa Suhum abatoɔ mpasua no, nanso ɔdii ntwo wɔ saa abatoɔ no mu maa Solomon Kodjoe Akwetey a na ɔgyina National Democratic Congress amanyɔkuo no anan mu no dii ne so nkunim berɛ a ɔnyaa mma dodoɔ a wɔtoeɛ no mu mpem dunwɔtwe, ɔha aduowɔtwe-baako a ɛyɛ ɔha mu nkyɛmu aduanan-mmiɛnsa akyiri pɔ aduokron wɔ saa afe abatoɔ no mu. Ɔsan gyinaa mfeɛ mpenu Ghana abatoɔ no mu peree sɛ mmarahyɛbadwani bio, nanso saa berɛ yi de, ɔdii nkunim berɛ a ɔnyaa mma dodoɔ a wɔtoeɛ no mu mpem dunsia, ahanan aduokron-nan a ɛyɛ ɔha mu nkyɛmu aduonum-nan akyiri pɔ aduokron wɔ saa afe abatoɔ no mu. Ɔde n'adwuma sɛ amanyɔni no baa awieeɛ wɔ n'afe a ɛtwa toɔ no mu wɔ mfeɛ mpenu ne nan no mu.

N'adwumasɛm

Seesei, Agyapong ne titenani ma New Patriotic Party manyɔkuo no baasonkuo a wɔhwɛ abatoɔ ho nsɛm so wɔ Suhum abatoɔ mpasua no so.