Sandra Opoku

Kyerɛ Twi kasa a atwerɛsɛm yi ɛwɔ mu. Kasa ahorow a wobɛtumi akyerɛ ɛne: Akuapem, Asante, Fante.

Sandra Opoku yɛ Ghanani mmaranimfo. Wɔ afe 2019 bre a Nanan Addo Dankwa Akuffo-Addo paw no sɛ n’adwumayeni no, ɔbɛyɛɛ ɔbaa a odikan a wɔfaa no sɛ Tema Po so hyɛn gyinabea no kandifo. Kane na ɔyɛ ɔhwɛfo ma Tema Po so hyɛn gyinabea mmaranimfo kuo no.

Adesua ho nsem

Opoku kɔɔ ntoaso sukuu a ne din St. Roses Senior High a ɛwɔ Akwatia wɔ Apuei Mantam mu, maa no nyaa abodn kraa a ɛne O Level wɔ afe 1992 na afei, A Level wɔ afe 1994 mu. Bre a na ɔwɔ sukuu mu no, na ɔnɔ na ɔhwɛ nhyehyɛe ne aduane so. Owie St. Roses no, onyaa akwanya kosuaa mmaranim wɔ Ghana Suapon a wɔfrɛ no University of Ghana. ɔtoa so kɔɔ Ghana mmranimfo sukuu a wɔfrɛ no Ghana School of Law ma wɔtoo nsa frɛ no ma no kɔkaa Ghana mmaranimfo nkabom kuo a wɔfrɛ no Ghana Bar association no ho wɔ afe 2001.  Wɔ afe 2004 mu no, onyaa akwanya kɔɔ Sukuupon a wɔfrɛ no International Maritime Law institute a ɛwɔ Malta, ma no nyaa nimdeɛ wɔ ɛpo so dwadie mmra ho.

Nnuma ho nsem

Opoku hyɛɛ n’adwuma ase wɔ adwumakuo a wɔfrɛ no Ghana Ports and Harbours Authority wɔ afe 2003 mu. Efiri hɔ no,  w’ayɛ adwuma ama wɔn sɛ lɔyani, ɔhwɛfo a ɔda mmara ntotoe ano ne ɔkyerɛwfo ama Ghana Ports and Harbours Authority. Sesei, ɔno na Nana Addo Dankwa Akuffo-Addo apaw no  sɛ kandifo a ɔda Tema Po so hyɛn gyinabea wɔ march bosome no mu, afe 2019 bre a Edward Kofi Osei afiri hɔ no.

Ne ho nsem

Opoku ye Presbyni. ɔyɛ owarefo a ɔwɔ mmofra miensa.