Betty Acquah

Wɔakyerɛw nsɛm yi wɔ Akuapem kasa mu

Betty Acquah (wɔwoo no 20 Oforisuo 1965) yɛ Ghanani mmaa mfoniniyɛfo. Ɔde akwan horow a ɛne pointillism, ngo mfonini ne acrylic di dwuma.

Mfitiase asetra ne nhomasua

Ɔyɛ Cape Coast kuromni wɔ Ghana, na ɔde ne sukuu adesua no fa bi kɔɔ Wesley Girls’ Senior High School ne Holy Child School . Afei ɔkɔɔ n’anim wɔ Kwame Nkrumah Suapɔn a ɛhwɛ Nyansahu ne Mfiridwuma so baabi a onyaa abodin krataa a ɛkorɔn wɔ Visual Arts mu a ɛyɛ mfoniniyɛ titire. Wɔ Japan, ɔsan nso wiee adwinni ho adesua wɔ Tokyo Adwinni Sukuu.

Adwuma

Acquah de mfeɛ nson ayɛ adwuma ama adwinni dan a ɛwɔ Centre for National Culture a ɛwɔ Accra no na wahwɛ ɔyɛkyerɛ ahorow so wɔ Berj Art Gallery firi afe 2002 kɔsi afe 2005. Ɔyɛ Ghana Association of Visual Artists no muni . Wɔ June 2019 mu no, ɔkaa wɔ nsɛm a Newsday BBC bisabisaa no mu sɛ ɔwɔ anidasoɔ sɛ wɔbɛbue ɔman no adwini dan bi wɔ Ghana.

Acquah ayɛ ɔyɛkyerɛ wɔ Ghana, Nigeria, United Kingdom, India, Germany, Spain, Japan ne Amerika.

N'adwuma no si Ghana mmaa a ɔhunu wɔn sɛ "Ghana republic no abran a wɔmmɔ wɔn dwom" no so dua.