Gladys Abena Nsoah

Wɔatwerɛ nsɛm wei ɛwɔ Asante kasa mu

Gladys Abena Nsoah sɛnea yɛbɔ "Gladys Abena Nsoah"  yɛ Ghana amanyɔni. Na ɔyɛ ekuoba wɔ mmarahyɛbedwa a ɛtɔ so mmienu wɔ Kwasafoman a ɛtɔso nan wɔ Ghana a ɔgyina hɔ ma Kintampɔ mpɛsoa. Ɔyɛ ekuoba wɔ National Democratic Congress.

Gladys Abena Nsoah
Mmrahyɛbadwani ma Kintampo abatoɔ mpasua so
Bere Ɔpɛpɔn 7, 1997 – Ɔpɛpɔn 6, 2001
Ɔmanpanyin	Jerry John Rawlings
Amanyɔkuo	National Democratic Congress
Ne ho asɛm
Awo bere	25 November 1956
N'adwuma	Ɔkyerɛkyerɛni

Abrabɔ Ahyɛaseɛ.

Yɛwoo Nsoah wɔ Obubuo bosome da a ɛtɔ so aduonu baako wɔ afe apem ahankron ne aduonum nsia (1956) wɔ Bono Ahafo mantam a ɛwɔ Ghana. Ɔkɔɔ Kintampɔ mfinimfi sukuu, ɛhɔ na ɔnyaa ne nnwomasua nkrataa. Ɔyɛɛ adwuma sɛ ɔkyerɛkyerɛni ansa na ɔde ne ho kɔwuraa amanyɛsɛm mu.

Amanyɔsɛm nnwuma

Wɔtoo afe apem ahankron ne aduokron mmienu Ghana mmarahyɛbedwa aba wieɛ wɔ ɔpɛnimaa bosome a ɛtɔso aduonu nkron wɔ afe apem ahankron aduokron mmienu no, wɔyii Nsoah de no kaa mmarahyɛbedwa a edikan wɔ kwasafoman a ɛtɔso na wɔ Ghana wɔ ɔpɛpɔn bosome da a ɛtɔso nson wɔ afe apem ahankron ne aduokron mmiɛnsa mu sɛ ɔno na ɔyɛ ɔkandifoɔ wɔ aba a wɔtoo yɛ no mu. Wɔsane too ne so aba ma no bɛkaa mmarahyɛbedwam wɔ ɔpɛpɔn bosome da a ɛtɔso nson wɔ afe apem ahankron ne aduokron nson wɔ aberɛ adii nkunim wɔ afe apem ahankron ne aduokron nsia Ghana abatoɔ no mu. Ɔmaa Owusu Debrah a ɛwɔ amanyɔkuo a yɛfrɛ no Convention people's party, James Kwabena Domfeh a ɔwɔ People's National Convention ɛna Emmanuel Kofi Nsiah a ɔno nso wɔ National independence party dii ntwo. Nsoah nyaa ɔha mu nkyekyɛmu aduasa nson akyirepɔn du (37.10%) a ɛne mma mpem aduonu nson, ahanum ne aduonu (27,520) yɛ pɛ ɛna n'asɔretiafoɔ nso nya ɔha mu nkyekyɛmu dunum akyirepɔn aduonu (15.20) a ɛne mpem dubaako, ahaasa ne du nnwɔtwe (11,318) mma yɛ pɛ ɛna ɔhamu nkyekyɛmu num akyirepɔn aduonum (5.50%) a ɛno nso ne mpem nan ne aduosia nson mma yɛ pɛ wɔ ne nnidisoɔ so.