Joy Henrietta Mensa-Bonsu

Wɔakyerɛw nsɛm yi wɔ Akuapem kasa mu

Henrietta Anigyeɛ Abena Nyarko Mensa-Bonsu, JSC, FGA (wɔwoo no Ɔkɔtɔberɛ 29, afe 1957) yɛ Asɛnnibea Kunini Temmufo wɔ Republic of Ghana . Ɔmampanyin Nana-Akufo-Addo na ɔpaw no . Ɔyɛ ɔbea a ɔto so 5 wɔ Asɛnnibea no muni. Ansa na wɔrepaw no sɛ Asɛnnibea Kunini no, na ɔyɛ Ghana mmara ho ɔbenfo a ɔsom sɛ Amanaman Nkabom Kuw a Ɛhwɛ Asomdwoe Dwumadi So a ɛde ne ho no muni.

Mfitiase asetra ne nhomasua

Wɔwoo Mensa-Bonsu wɔ Ɔkɔtɔber 29, 1957 wɔ Kumasi. Ɔkɔɔ Wesley Girls High School, Ghana Suapɔn ne Yale Suapɔn, na onyaa Master of Laws (LLM) wɔ afe 1985 mu.

Adwuma

Mensa-Bonsu yɛ ɔbenfo ne mmara ho ɔkyerɛkyerɛfo panyin wɔ Ghana Sukuupɔn mmara sukuu mu. Ɔbɛyɛɛ mmara ho ɔkyerɛkyerɛfo a ɔdi mu wɔ Ghana Suapɔn mu wɔ afe 2002 mu, na afe 2003 mu no wɔpaw no sɛ ɔyɔnko wɔ Ghana Adesuabea a ɛhwɛ Adwinni ne Nyansahu so . Wɔpaw no sɛ Adesuabea no Titenani wɔ afe 2019 mu.

Ɔde nhyiam ase a ɔwɔ no adi dwuma de akamfo asomdwoe a ɛbɛma ɔman no anya nkɔso ntɛmntɛm. Na ɔyɛ ɔkasafo ahɔho wɔ Afe afe Asomdwoe Ɔkasa a Ɛto so Abien a Rotary Kuw ne Institute for Democratic Governance (IDEG) ti a ɛwɔ Accra West boaboaa ano no mu, faako a ɔkaa "hia a ehia sɛ wɔma asomdwoe nya nkɔso" ho asɛm a wantwɛn "kosi sɛ ɛho behia ama asomdwoeɛ ansa na yɛakɔ akɔhwehwɛ". Ɔmaa afe 2014 University of Ghana Alumni Association ɔkasa a ɛfa asɛmti "Abibiman Nkabom Kuo no Asomdwoeɛ ne Ahobanbɔ Nhyehyɛeɛ: Asomdwoeɛ ne ahobanbɔ ho bɔhyɛ wɔ asasepɔn no so"

Wɔ afe 2017 mu no, Mensa-Bonsu antumi wɔ mmɔden a ɔbɔe sɛ wɔbɛpaw no sɛ Amanaman Ntam Nsɛmmɔnedi Asɛnnibea (ICC) no Temmufo no mu . Na ɔyɛ Ɔmampanyin Bagua a Ɛhwɛ Nhwehwɛmu So a ɛhwehwɛɛ Ayawaso West Wuogon abatow mu basabasayɛ no mu no muni . Mprempren ɔyɛ Ghana Adesuabea a ɛhwɛ adwinni ne nyansahu so no titrani.

Asɛnnibea Kunini no paw

Mensa-Bonsu na Nana Addo Danquah Akufo-Addo, Ghana Ɔmanpanyin na ɔpaw no wɔ May 2020 mu sɛ wonsusuw ho sɛ wɔbɛpaw no sɛ ɔnkɔ Ghana Asɛnnibea Kunini no benkyi so .

Ɔmampanyin Nana-Akufo-Addo ne atemmufo baasa afoforo de ne din kɔmaa mmrahyɛbagua no sɛ wɔmpaw no sɛ Asɛnnibea Kunini no benkyi. Afoforo no ne Ɔtemmufo Clemence Jackson Honyenuga, Ɔtemmufo Issifu Omoro Tanko Amadu ne Ɔtemmufo Emmanuel Yonny Kulendi . mmrahyɛbagua no penee so bere a Boayikuw a Wɔpaw no kamfoo no kyerɛe akyi.Ɔmampanyin Nana Akufo-Addo na ɔkaa no ntam sɛ ɔbɛdi tumi .

Ankorankoro asetra

Mensa-Bonsu aware Kwaku Mensa-Bonsu na wɔwɔ mmabea baasa a wɔanyinyin, mmanana baanum, mmabarima baasa a wɔagye wɔn atom ne mmanana baasa a wɔagye wɔn atom.

Hwɛ nso

• Ghana Asɛnnibea Kunini
• Ghana Asɛnnibea Kunini no atemmufo din
• Ghana Adesuabea a ɛhwɛ adwinni ne nyansahu so