Akoma mu tokuro
Akoma mu tokuro (brɔfo kasa mu, Ventricular septal defect) yɛ tokuru a ɛwɔ ɔfasu a ɛkyɛ koma no benkum ne nifa fam beaɛ no mu. Tokuru no kɛse betumi afi ketewaa koraa so akosi sɛ ɛbɛyera ɔfasu no koraa, na ama wɔanya tokuro kɛse biako. Saa ɔfasu yi a wɔfrɛ no nkyɛmubea anaa nventricular septum no wɔ afa abien: ntini a ɛwɔ fam ne ɔfa a ɛyɛ tratraa a ɛwɔ soro[1][2]. Koma mu nkwammoaa soronko a ɛboa ma koma bɔ yie nso ahyɛ mu ma. Wɔ Ghana no, VSD yɛ komayare a ɛho hia a ehia ayaresa ne ɔhwɛ a ɛfata[3].
Sɛnkyerɛnne
sesaAkoma mu tokuro ho sɛnkyerɛnne a ɛtaa ba ne koma mu nwiinwii, a ɛyɛ koma nnyigyei a ɛnteɛ a wɔte bere a koma rebɔ esiane mogya a ɛsen basabasa nti. Ankorankoro a wɔwɔ Akoma mu tokuro no betumi ahome tiaa, titiriw bere a wɔreyɛ apɔw-mu-teɛteɛ no[4]. Nkokoaa a wɔwɔ VSD taa nnyin yiye na ɛyɛ den ma wɔn sɛ wɔn mu duru bɛyɛ kɛse, efisɛ wɔn nipadua sɛe ahoɔden pii na ama wɔatumi ayɛ adwuma sɛnea ɛsɛ. Ɔbrɛ ne mmerɛwyɛ wɔ ɔkwan a ɛkɔ akyiri so abu so wɔ mmofra ne mpanyimfo a wɔwɔ VSD nyinaa mu esiane sɛnea koma no ntumi nbɔ mogya yiye nti[5][6].
Nsɔano
sesaWɔ Ghana no, Akoma mu tokuro (VSD) a wobehu no hwehwɛ sɛ wɔyɛ nhwehwɛmu pii, na mpɛn pii no ɛyɛ den esiane nnuruyɛ ne nneɛma a wɔde di dwuma a esua nti. Mpɛn pii no, wɔde nipadua mu nhwehwɛmu na efi ase hu yareɛ no, na saa aber yi na akwahosan ho ayaresafo tie koma mu nwiinwii, nnyigyei a ɛnteɛ a ɛkyerɛ sɛ obi wɔ Akoma mu tokuro[7]. Nanso, sɛnea wobehu yare no pɛpɛɛpɛ wɔ saa bere yi mu no gyina ntetee ne osuahu a akwahosan ho ɔbenfo no wɔ so kɛse[8].
Akwan
sesaƆɔtrasawond Mfidie (Echocardiography): Eyi ne adwinnade titiriw a wɔde hu Akoma mu tokuro. Ɛde ɔtrasawond(ultrasound) biribiri hu koma no ho mfonini a ɛkɔ akyiri, na ɛma nnuruyɛfo tumi yɛ Akoma tokuro no ho mfonini wɔ wɔn adwenem na wɔhwɛ ne kɛse ne nkɛntɛnso a enya wɔ mogya a edi dwuma no so. Wɔ ayaresabea akɛseɛ te sɛ Korle Bu Teaching Hospital ne Komfo Anokye Teaching Hospital no, echocardiography wɔ hɔ, nanso ebia entumi nkɔ nkuraaseɛ ɛnam nnwinnadeɛ ne adwumayɛfoɔ a wɔatete wɔn a wɔn ho nni nti.
Sua pii
sesaBeaɛ a menyaa mmoa fii
sesa- ↑ Ventricular septal defect: A treatable hole in the heart-Ventricular septal defect (VSD) - Symptoms & causes (in English), retrieved 2024-06-15
- ↑ mottchildren, Ventricular Septal Defect (VSD)
- ↑ researchgate (2015-09-01), Twenty-two Years of Repair of Atrial Septal Defects in Ghana
- ↑ Ventricular Septal Defect (VSD) (in English), retrieved 2024-06-15
- ↑ Ventricular Septal Defect (VSD) (in English), 2021-08-08, retrieved 2024-06-15
- ↑ Atrial Septal Defect and Ventricular Septal Defect in Children (in English), 2024-05-28, retrieved 2024-06-15
- ↑ NewYork Presbyterian, How is Ventricular Septal Defect Diagnosed?
- ↑ Ventricular Septal Defects Clinical Presentation: History, Physical Examination, retrieved 2024-06-16