Sanja Nanja

Wɔatwerɛ nsɛm wei ɛwɔ Asante kasa mu

Sanja Nanja

nnipa

bɔbeasu	male
ɔman a ofiri mu	Ghana
name in native language	Sanja Nanja
din a wɔde ama no	Sanja
abusua din	Nanja
da a wɔwoo no	3 Ogyefuo 1968
beae a wɔwoo no	Saboba
languages spoken, written or signed	Brɔfo, Konkomba
n'adwuma	Amanyɔni, educator
dibea	Member of the 6th Parliament of the 4th Republic of Ghana, Member of the 8th Parliament of the 4th Republic of Ghana
educated at	University of Ghana
work location	Bono East Region
member of political party	National Democratic Congress (Ghana)
candidacy in election	2020 Ghanaian general election
religion or worldview	Kristosom

Sanja Nanja yɛ Ghanani a wɔwoo no Ogyefuo bosome no da a ɛtɔ so mmiensa, wɔ afe apem ahankron aduosia nnwɔtwe mu (born February 3, 1968). Ɔyɛ amannyɔni a ɔka Ghana mmarahyɛbadwakuo a wɔtɔ so nwɔtwe no ho wɔ Ghana kwasafoman a ɛtɔ so nan no mu, ɔno na ɔyɛ ananmusini de ma Atebubu Amantin abatoɔ mpesua no so a wɔwɔ Bono East mantam no mu. Amannyɔkuo a ɔdɔm a ɛnam wɔn so maa ɔkɔpue mmarahyebadwam no ne Kyiniiɛ amannyɔkuo National Democratic Congress.

Ɔbra ahyɛaseɛ ne Nwomasua

wɔwoo Nanja wɔ Ogyefuo bosome no da a ɛtɔ so mmiensa, wɔ afe apem ahankron aduosia nnwɔtwe mu (born February 3, 1968). Ɔfiri kuro a yɛfrɛ no Saboba a, ɛwɔ Atifido mantam no mu wɔ ɔman Ghana mu. Ɔnyaa n'abɔdin krataa wɔka no borofo mu sɛ Bachelor of Arts in Sociology and History ɛfirii Ghana suapɔn a wɔfrɛ no University of Ghana wɔ afe mpem mmienu ne num mu (2005). Nanja yɛ kristoni a ɔne Assemblies of God asafo no na ɛsom bɔm. Waware a ɔwɔ mma num.

Amannyɔsɛm

Amannyɔkuo a Nanja dɔm a ɛnam wɔn so maa ɔkɔpue mmarahyebadwam no ne Kyiniiɛ amannyɔkuo National Democratic Congress (NDC). Wɔ afe mpem mmienu ne du-mmienu mu no (2012), ɔgyina maa yɛtoo ne so aba sɛ mmarahyɛbadwani wɔ Atebubu Amantin abatoɔ mpesua no so wɔ Amannyɔkuo National Democratic Congress (NDC) din mu wɔ mmarahyɛbadwakuo a na ɛtɔ so nsia no mu na ɔdii nkunim. Wɔtoo aba no wieɛ no ɔnyaa mma no mu mpem du-nsia ne ahankron aduosia nnan (16,964), nnipa dodoɔ a wɔtoo aba wɔ saa abatoɔ mpesua no so saa berɛ no na wɔn dodoɔ yɛ mpem aduasa nan, ahanan ne du-baako (34,411) a, ɛgyina hɔ ma ɔha mu nkyekyɛmu aduanan nkron ne akyiripɔ aduasa (49.30%). Nanja antumi anyina amma yɛanto ne so aba bio sɛ mmarahyɛbadwani ma adehyeɛ a wɔwɔ Attebubu Amantin abatoɔ mpesua no so wɔ afe mpem mmienu ne du-nsia (2016) abatoɔ no mu ɛsiane sɛ na Nananom a wɔwɔ Attebubu Amantin abatoɔ mpesua no so de ɔhyɛ ato ne so abra no ɛsiane ne nsɛm bi a ɔkekaa ne wɔ kasafidie bi so a na Nananom ho no sɛ ɛyɛ atɛnnie a ɛtia ɔbaa hemaa a ɔwɔ kuro no mu.

Abadwakuo ahodoɔ

Abadwakuo ahodoɔ pii na wadi dwuma wɔ so wɔ mmarahyɛbadwam hɔ.

Nanja ayɛ kuo ba de ama mmarahyɛbadwam abadwakuo a na wɔhwɛ mmarasɛm so (Judiciary Committee),

ɛna afei nso wasane nso ayɛ kuo ba de ama mmarahyɛbadwam abadwakuo a na wɔhwɛ nsaase ne Kwaeɛ ahodoɔ so (Lands and Forestry Committee).

N'adwumayɔ

• Ghana Education Service (kyerɛkyerɛni, Atebubu shs), Assistant Director 11
• District Chief Executive (DCE), (Atebubu District) Ayɛwohomummɔ bosome no da a ɛtɔ so nson (May 7), wɔ afe mpem mmienu ne nkron mu (2009) de kɔ si - ɔpɛpɔn bosome no da a ɛtɔ so nson (January 7), wɔ afe mpem mmienu ne du-mmiensa mu (2013)
• Educationist